麥玲玲批CY要「退後啲」
話佢今年命格相冲
[2014.10.10] 發表
【明報專訊】佔領行動持續，旺角就出現號稱「最強路障」嘅關帝祭壇，有心人將已開光嘅關帝像放喺旺角道，連土地公也請埋嚟。堪輿學家麥玲玲噚日到場觀察關帝祭壇嘅擺位，佢話從玄學角度嚟睇，關帝像嘅擺位同方向都無問題，仲話關帝祭壇可化解部分怨氣，同時提升群眾精神咁講。
話關帝祭壇可解怨氣
麥玲玲又話，特首梁振英嘅命格，同今年天干地支完全相冲，屬60年一遇嘅大衝擊。咁大件事，應該點化解呢？佢話，無論CY點處理，都只會搞得更差，反而退後啲、畀其他人接手會仲好咁話。咁樣，唔通寓意CY應該落台？有網民就話玲玲馬後炮，不過睇番舊報紙，原來佢兩年前已經提過，CY面相太單薄，做特首都辛苦過人，社會亦都多問題，仲叫大家考慮移民瓦努阿圖喎。
佔旺期間，平時車來車往嘅彌敦道變成遊樂場，噚晚有人拉出乒乓波枱，直接喺街頭玩「全民運動」，但有份「開波」嘅佔領人士就有啲嘆息，話「都唔知點解香港變成咁」；亦有小朋友喺馬路「跳飛機」，不過地下就鋪咗多張梁振英同建制派人士嘅肖像，似乎係想畀佔領者發泄。
更多港聞
【明報專訊】立法會噚日開會選各事務委員會主席，氣氛可謂相當緊張，建制、泛民議員互相叫陣，社民連主席「長毛」梁國雄諗住搵民建聯陳鑑林緩和一下氣...
詳情
【明報專訊】好快又到大閘蟹季節，酒樓唔止要供應大量大閘蟹，仲要有大量包裝濕紙巾，但之前消委會講過濕紙巾有化學成分，愛森商貿公司營運總監王耀民...
詳情
相關新聞
