上班族出招撐佔領
白領午飯時間派物資

佔領中環第二日，佔領者由金鐘去到中環皇后像廣場外，有市民自發築起路障之餘，亦有唔少人主動幫手處理同分發物資。（郭慶輝攝）

佔中啟動第二日，金鐘、中環示威者流連不散，熱天下有身穿黑衣短褲少女，額頭貼上退熱藥貼，雙腿寫上「警察 可恥」字眼。（郭慶輝攝）

市民留守佔領現場，難免製造好多垃圾，但參加者都好有質素，齊齊清理垃圾，盡量保持環境乾淨。（郭慶輝攝）

市民四方八面支援佔領各處嘅參加者，有人訂咗幾箱香蕉送畀銅鑼灣嘅示威者，等大家有足夠體力。（盧翊銘攝）

【明報專訊】大家都好關注佔中發展，噚日係星期一，仍有大批人參與。至於如常返工嘅打工仔，唔少人亦用自己方法支持佔領，好似金鐘嘅佔據點，噚日中午12點幾時午飯時間，就出現十幾個著住白恤衫嘅打工仔，行入佔領區域內幫手分發食物同退熱貼，不過Emily問佢哋身分，佢哋就唔多願意講，只係話自己略盡綿力幫到就幫。

老闆派人送充電器 順便罷工

有手機配件批發商嘅老闆，就派員工帶咗150個充電器去金鐘，支持示威者之餘，亦畀個機會員工罷工。Emily現場所見，亦有人設「流動充電站」，方便電話無電嘅佔領者。而做電子生意嘅陳先生，噚日朝早9點幾去到金鐘，發現參加者要上落天橋唔係好方便，就去灣仔用500幾蚊買咗兩條木梯畀市民上落，其他市民亦自發輪流扶住條梯。

五金舖老闆眼罩支持學生

網上消息話佔領現場最缺乏嘅物資係眼罩，噚日唔少人都希望買啲眼罩畀參加者，但五金舖存貨不足，要買都唔容易。有灣仔區五金舖老闆得知有人搵緊眼罩，下午返咗少少貨，全數交晒畀想買嘅支持者，話當支持學生。

參與佔領者未必認識，但都守望相助。嚟自社福界嘅陳小姐，同12歲嘅張同學本身唔認識，但到現場，亦一齊向佔領者派發濕毛巾。

而港大法律學院嘅幾個同學仔就印咗有關佔中、政改嘅單張，去到金鐘太古廣場條天橋派發，唔少白領欣然接過單張，仲叫佢哋加油，又問佢哋物資可以拎去邊等。

更多港聞

海富國旗倒轉 惹「抗命」猜測

【明報專訊】大批示威者前晚開始通宵留守政府總部對開嘅干諾道中同夏愨道，到噚日清晨6點幾，唔少示威者仲係睡眼惺忪時，突然有人大叫﹕「真係倒轉咗... 詳情

無名氏130防毒面具送學聯

【明報專訊】除咗佔領金鐘，唔少參與者都去到旺角、銅鑼灣佔領，其中銅鑼灣就有cafe、酒吧支持佔領，好似喺駱克道京都商業中心嘅咖啡店Think... 詳情

前教師油畫記佔旺

【明報專訊】香港走入歷史一刻，唔同人都用唔同方法記錄呢段歷史。做過教師嘅Perry Dino噚日帶埋畫板油彩，坐喺旺角彌敦道惠豐中心出面，將... 詳情

被指偏頗 無?佔中特輯接73投訴

【明報專訊】前晚警方出動催淚彈驅散佔中集會者震驚全城，無綫電視（TVB）除咗新聞部直播事態發展外，仲特別喺晚上10點半抽起原定節目《Sund... 詳情

販毒青年逃出毒海囚牢

【明報專訊】在剛過去的暑假，警方及海關人員加強打擊販毒活動，被捕者包括逾11名18歲或以下青少年，最年幼者只得14歲。他們原本應該享受着青葱... 詳情