錦松錦星淋冰水「找數」
[2014.08.22] 發表
【明報專訊】唔少政圈名人噚日陸續完成「冰桶挑戰」，例如被政制及內地事務局長譚志源點名嘅前財政司長梁錦松﹙圖1﹚，身在安徽仍然不忘「找數」，完成挑戰後，點名前律政司長黃仁龍、有「快勞夾大王」之稱嘅文具商杜振源，同埋麥肯錫香港總經理倪以理接招；阿松亦承諾捐錢美國ALS協會同香港肌健協會。
同樣被點名嘅係環境局局長黃錦星﹙圖2左﹚，噚日佢同政助區詠芷(圖2右)用可重複使用嘅「環保冰」、前兩日收集嘅雨水，同埋政府總部餐廳嘅洗米水代替食水，完成挑戰。不過，佢話為環保起見，唔會再點名另外3個人，希望有心人自發支持善舉。
學民思潮召集人黃之鋒噚日都完成冰桶挑戰，點名要勞工及福利局長張建宗接受挑戰，希望佢改善香港嘅殘疾人士政策。
更多港聞
【明報專訊】以巴武裝衝突7月以來不斷加劇，造成近2000人死亡，其中加沙地區嘅短暫停火前日（20日）清晨屆滿，香港仁醫歐耀佳早前代表紅十字會...
詳情
相關新聞
