傅振中話長毛打女人
維園口郁郁變手郁郁

保衛香港運動召集人傅振中（右舉牌者）噚日揸住碌柚葉，聯同多名成員去《城市論壇》狙擊梁國雄（左），話佢係「監躉」。長毛之後同Emily講，唔知仲以為佢哋有「坐監情意結」。（余俊亮攝）

【明報專訊】社民連主席梁國雄(長毛)前日出獄後，噚日去咗港台嘅《城市論壇》，先同「維園阿伯」聚一聚，點知就吸引到「保衛香港運動」嘅傅振中同一班支持者踩場。戰意高昂嘅長毛當然唔會示弱，雙方交戰火花不斷，最後搞到主持謝志峰要求警方進場維持秩序。

長毛被罵「監躉」反擊

話說噚日傅振中一副戰鬥格，開口埋口話長毛係「監躉」，仲拎埋碌柚葉嚟招呼長毛，又話佢係佔中「爛典範」。

長毛未有示弱，隨即以「機關槍」嘅語速連環「掃射」，連珠炮發，「收廿萬、廿個人，收廿萬、廿個人」，反諷傅振中只係搵咗20個人嚟踩場，仲話要求黨中央徹查。

謝志峰搵警方維持秩序

雙方對壘至節目開始後一直持續，最後仲由手指指演變成肢體衝突。話說一個女子不斷指住長毛嚟鬧，長毛見狀亦以手指反擊，點知篤着女子嘅鼻，該女子隨即以拳頭打落長毛嘅膊頭度，傅振中即起哄話長毛「打女人」。由手指指變肢體衝突，主持謝志峰最後介入，要搵警方維持秩序。

長毛啱啱出獄，估唔到又可能因為維園事件惹官非。警方話噚日接到一個59歲郭姓女子報案，聲稱喺維園與一男子發生爭執，指其間該男子襲擊而報警，案件列「聲稱襲擊」，由東區重案組第二隊跟進，警方會搵相關者了解，換言之長毛可能又會遇上麻煩。

更多港聞

CY致電太太

【明報專訊】特首夫人梁唐青儀上周五7月4日回應女兒梁齊昕割腕事件，點名罵中大學者蔡子強嘅評論文章，話蔡子強「涼薄、無知、冷血」，當時有段小插... 詳情

網傳「遊行派錢」 民陣話畀唔起

【明報專訊】噚日網上開始流傳一個「7.1遊行派錢單」信息，內容詳列七一遊行當日嘅10個「派錢項目」，包括行頭排有$3,000、帶老人證有$1... 詳情

病?唔寫稿 之鋒砌高達

【明報專訊】學民思潮召集人黃之鋒自中四時反國教科一役紅咗之後，一直忙於抗爭活動，噚日佢忽然喺facebook上載咗一張高達模型相，原來佢唔舒... 詳情

女長毛投訴民署 部分成立

【明報專訊】特首梁振英去年搞咗3場地區諮詢會，落區同市民見面，其中一場喺跑馬地禮頓山社區會堂，「女長毛」雷玉蓮因為唔滿意民政總署當時嘅派籌同... 詳情

啦啦隊聯盟挑戰賽 港集亞洲精英

【明報專訊】一提到啦啦隊，好多人會諗起運動場邊打氣嘅少女少男，其實啦啦隊員都可以係運動員，政府新聞網噚日就話，投資推廣署今年初幫手成立咗個「... 詳情