【Emily】「人中龍鳳」湧讀醫 IT界嘆諗唔明 iProA會長冼漢廸：讀理工科目都好有前途
[2025.07.25] 發表
【明報專訊】上星期中學文憑試(DSE)放榜，16個「狀元」中近三分之二有意選讀醫科，互聯網專業協會(iProA)會長冼漢廸噚日就慨嘆百思不得其解，話喺美國甚至內地，好多尖子會選讀理工科目，畢業之後都有好前途，唯獨香港多尖子鍾情做醫生。佢認為要改變呢個現象，就要改變家長心態，話家長可能關心子女就業，所以尖子都傾向揀一啲將來就業穩陣嘅科目。
冼漢廸話，特區政府都推動緊北都、河套區發展，讀IT未必搵唔到食。佢又話曾經向財政司長建議設STEM獎學金，甚至建議政府聯繫科企安排職位，保證學生畢業後第一份工有人請，以吸引尖子報讀。佢話協會每年都會走訪數以百計學校做講座及活動，仲帶超過5000個學生去內地參觀科企，畀學生知道創科前景。
另外，冼漢廸日前以人大代表身分向特首提出對施政報告建議，包括粵車南下需要先處理安全風險。佢話香港嘅電動車充電係用歐美制式，如果內地電動車來港充電就要用轉換器，萬一唔合規格有可能爆炸，「一單都嫌多」。佢認為無理由要粵車司機帶埋轉換器落嚟，所以提議由政府提供轉換器，同時改善充電配套。
更多港聞
【Emily】新書被指「軟對抗」 卿姐話續守「四不」續發聲
【明報專訊】民主黨前主席劉慧卿近年不時評論時政，最近出版新書《留下》。《文匯報》日前刊出有關「軟對抗」嘅報道，話劉喺書中「唱衰選舉制度」。卿... 詳情
【Emily】除黑袍做同袍 前法政匯思羅紹軒圓夢做輔警
【明報專訊】警方刊物《警聲》新一期封面以「『雙面 』人生」為題，講述「紹軒」（Jason）日頭做大律師，夜晚做輔警巡更。Emily留意到，呢... 詳情
【明報專訊】颱風「韋帕」周日襲港，相關部門喺佢遠離後展開特別巡查。發展局噚日喺社交平台交代進展，話巡查行動短時間內大致完成，其中樹木管理部門...
詳情
相關新聞
