【Emily】啟德體育園下月嘉年華 黃金寶教玩平衡車
[2025.03.26] 發表
【明報專訊】啟德體育園主場館將陸續舉辦多項盛事，搶唔到飛嘅人唔使失望，「飛越啟德」同九龍城民政事務處下月19日同20日，會喺主場館隔籬嘅多功能活動空間「東營」，舉辦大型社區嘉年華「啟德GET SET GO！」，畀公眾預約入場參加唔同嘅體藝活動。
呢次嘉年華將有60項攤位遊戲、運動體驗同表演，市民下月11日前可以喺體育園官網免費預約入場券。部分運動體驗班、繩網體驗同大型充氣挑戰賽要收費，費用介乎10至100元，包括由港隊單車前代表黃金寶教兒童玩平衡車，同埋前香港足球先生山度士教兒童踢波等，同樣需要網上預約。
部分名額會預留喺活動當日即場派籌。「飛越啟德」話期望嘉年華可以鼓勵唔同年齡同運動水平嘅市民，透過參與體藝活動提升身心健康，同時近距離觀賞啟德主場館。
更多港聞
【Emily】城大「上京」搞校友晚宴 馮巍少有露面
【明報專訊】城大上個禮拜六（22日）喺北京搞咗場校友晚宴，退休後甚少露面嘅港澳辦前副主任馮巍（前排左二）都有出席，坐喺主家席。睇番資料，馮巍... 詳情
【明報專訊】港大校媒「香港大學學生會學苑」昨日在Instagram發帖表示，港大文學院早前邀請「反誹謗聯盟（Anti-Defamation ...
詳情
【明報專訊】東華學院與青舍綜合服務中心簽訂學生宿舍合作協議，下學年（2025/26）起，學院的非本地生可以「優惠租金」優先租住青舍宿位。
...
詳情
相關新聞
