【Emily】吳秋北話「耶誕」先啱 工聯黨友照用「聖誕」

工聯會會長吳秋北認為「聖誕」應該改叫「耶誕」，而工聯會嘅facebook專頁背景圖像就用咗應節圖畫，送上「聖誕」祝福。（工聯會fb截圖）

工聯會立法會議員郭偉強以一身聖誕老人造型出帖，祝大家「聖誕快樂」。（郭偉強fb）

吳秋北喺facebook貼圖，可見豐子愷所寫嘅毛澤東句「獨有英雄驅虎豹 更無豪傑怕熊羆」，讚揚毛係英雄。（吳秋北fb）

【明報專訊】大家歡度聖誕假期之時，工聯會會長吳秋北近日就提出探討一個學術問題，話叫「聖誕」唔係咁準確，叫「耶誕」可能適合啲。佢喺facebook出帖數歷史典故，話「中國的聖，一般還是人，所謂聖人是也。把耶神和聖人相提並論，是對神的褻瀆，對人的抬舉！」佢又話神就係神，人就係人，「所以Christmas應叫耶誕或神聖」。

話耶穌係神唔係「聖人」 另出帖賀毛誕

吳秋北都好認真，話大家所知係耶穌會教士利瑪竇將耶教(基督教)帶來中國，但佢話好多人唔知，其實早喺利瑪竇之前，最先將耶教「中國化」嘅係其師羅明堅。

吳又話，大家早幾日有假放，「要拜全能全知的耶穌的誕生所賜」，但佢話據耶教教義，耶穌係神是主，「神主甚麼時候成為聖？」佢話「聖」喺中國視為人，如將神降格為人，「這太不該了」。最後佢話：「無論如何，大家節日快樂！」

不過，工聯會嘅黨友就無吳秋北咁講究，工聯會嘅官方facebook背景圖像，就寫住為大家送上「聖誕祝福」而唔係「耶誕祝福」，黨友議員出帖時亦係祝大家「聖誕快樂」。

當大家慶祝聖誕節之時，吳秋北亦不忘懷念已故國家領導人毛澤東，因為12月26日係毛誕131周年。佢話真正英雄豪傑都敢於戰鬥善於戰鬥，「毛主席當之！」

更多港聞

【Emily】中醫藥界訪雲南 參觀白藥廠

【明報專訊】唔少人趁聖誕外遊，身為中醫師嘅選委界立法會議員陳永光就同一班中醫中藥界同業到訪雲南，參觀咗當地嘅中醫藥機構同埋大學等。噚日佢哋由... 詳情

【Emily】何永賢：劏房戶上樓 女生考第一

【明報專訊】房屋局長何永賢（Winnie）噚日喺facebook發帖，提及同副局長戴尚誠喺聖誕前去咗葵涌安蔭邨探訪幾戶居民，既有三代同堂，亦... 詳情

【Emily】下年再請師生睇戲 教局盼反思價值觀

【明報專訊】教育局課程發展處德育、公民及國民教育組多次舉辦唔同主題嘅價值觀教育電影欣賞暨分享會，教育局長蔡若蓮噚日喺facebook話，希望... 詳情