【Emily】熊貓主題列車行走南港島線機場快線
[2024.12.20] 發表
【明報專訊】最近城中話題非大熊貓莫屬，除咗可以四圍見到大熊貓雕塑，𠵱家搭港鐵都可以見到大熊貓。事關港鐵公司由即日起至出年2月期間推出「大熊貓暢遊MTR」宣傳同活動，當中海洋公園站會化身成為大熊貓主題車站，車站唔同角落佈滿海洋公園內嘅6隻大熊貓，包括盈盈、樂樂、安安、可可同埋一對龍鳳胎熊貓BB。
而被稱為「超級轉車站」嘅金鐘站，都會有6隻大熊貓嘅圖案，候車大堂嘅LED圓柱會播放3D大熊貓出沒片段，大熊貓仲會「伸手」同乘客打招呼；另外有10個高人流車站會有「打卡位」，每個「打卡位」嘅熊貓造型都按地區特色設計。
除咗主題車站，有兩列南港島線同埋一列機場快線列車會變身主題列車，車廂內會佈滿大熊貓圖案；至於高鐵版本就會喺下個月啟航。
此外，港鐵喺各站都換上「鐵仔」同大熊貓主題嘅節日裝飾，仲會有「鐵仔」、「機鐵仔」同埋「高鐵隊長」喺唔同車站「快閃」，向乘客派大熊貓主題嘅禮物。
更多港聞
【明報專訊】港大學者、病毒與疫苗研究中心總經理及科學總監袁國勇噚日出席新發病毒診斷公司活動，致辭提到疫症全球大流行必然再發生，必須做好準備，...
詳情
【Emily】話打鼓嶺被誤當一條村 議員盼發展後保留原名
【明報專訊】政府計劃本月公布《打鼓嶺土地用途建議》，身兼立法會議員嘅打鼓嶺區鄉委會主席陳月明噚日同傳媒分享，期望已知嘅教育用途外，都有體育及... 詳情
【明報專訊】開咖啡店或是不少人的夢想，中大「山承咖啡廳」其中一名店主李珊珊（Elizabeth）也有類似憧憬。如今夢想成真，她發現白天要忙着...
詳情
相關新聞
