【Emily】金禧訪主席總幹事 唔太齊人 消委元老話當年 周梁難忘搵明星拍封面
[2024.12.17] 發表
【明報專訊】消委會喺1974年成立，會方藉金禧之年訪問咗現任主席及總幹事，以及8名前主席同兩名前總幹事，分享佢哋在任期間難忘事。Emily發現13名現任及前主席中，除咗已離世嘅首兩任主席，未見有第三任主席何耀棣律師事務所創辦人何耀棣，以及第五任主席、資深大律師李柱銘嘅文稿。
未見何耀棣李柱銘文稿
8名有受訪嘅前主席喺影片中分享在任時深刻嘅片段，包括喺1984至1988年間擔任第四任主席、資深電視人及行會前成員周梁淑怡。佢開創先河，搵大明星義務幫手拍雜誌封面，增加月刊嘅吸引力，並屢次聯同警察同海關打擊「專呃遊客」嘅舖頭，作風進取。全國人大常委會香港基本法委員會副主任、都會大學榮休校長黃玉山就喺2013至2018年間任第十一任主席，佢回憶當時推動當局實施「限奶令」，去勻18區做奶粉調查了解奶粉價格，又話「好多朋友都好奇怪，點解你咁熟悉啲奶粉」。
黃玉山憶限奶令全港做調查
受訪嘅仲有第三任總幹事劉燕卿，佢回憶立法會喺2012年6、7月期間通過咗3條消費者相關法例，依次為《競爭條例》、《一手住宅物業銷售條例》，以及《2012年商品說明(不良營商手法)(修訂)條例》。劉形容呢3條法例令本港對消費者嘅保障得以同國際接軌，「努力同堅持係有回報嘅」。
另外，本月嘅《選擇》月刊係最後一期實體版，由下期起會改為網上版，並免費畀公眾閱覽。
更多港聞
【Emily】「紫禁城遇上凡爾賽」明起展出150館藏
【明報專訊】香港故宮文化博物館聽日（18日）起推出特別展覽「當紫禁城遇上凡爾賽宮——17、18世紀中法文化交流」，展期近半年至明年5月4日，... 詳情
【Emily】移師AIRSIDE 《城寨》展覽增5打卡位
【明報專訊】電影《九龍城寨之圍城》展覽由香港機場移師到啟德AIRSIDE，展期由噚日起到出年4月13日。展覽展示咗電影場景，包括後巷、髮廊、... 詳情
【明報專訊】大型大熊貓雕塑展《PANDA GO！香港遊》嘅主辦方AllRightsReserved，將2500隻雕塑嘅其中1000隻畀公眾「...
詳情
【明報專訊】聖誕長假期將至，香港情緒健康學會創辦人、精神科專科醫生林美玲表示，近期國際研究顯示，長假期後是精神健康問題的高風險期，包括自殺率...
詳情
相關新聞
