【Emily】初中科學奧林匹克 港隊2金4銀
[2024.12.14] 發表
【明報專訊】再有香港學生為港增光！6名中學生代表香港去到羅馬尼亞參加「國際初中科學奧林匹克」，喺52個國家或地區、約300名學生中脫穎而出，共奪得2金4銀嘅成績。
獲得金牌嘅學生係皇仁書院嘅陳祉橋同聖保羅男女中學嘅田雨暘，4個銀牌得主包括聖保羅男女中學嘅陳穎恩、馬琛悅同楊春澤，以及保良局第一張永慶中學嘅陳瑋榆。
比賽只限15歲或以下中學生參加，但內容涵蓋達高中程度嘅物理、化學及生物，比賽形式包括筆試同科學實驗，當中學生要分析同解決一啲唔常見嘅難題。教育局長蔡若蓮噚日祝賀港隊表現卓越，局方會持續推動STEAM教育，包括加強同香港資優教育學苑協作，為資優學生提供多元化培訓、安排學生參加比賽等。
更多港聞
【明報專訊】電影業近年經營狀况麻麻，今年更接連有戲院宣布結業，啱啱就有MCL鑽石山結束營業，令今年累計有7間戲院結業。網台D100主持潘小文...
詳情
相關新聞
