【Emily】打風打唔甩 區會議員夫婦 沙田又多一pair

沙田區議員陳壇丹（中）同羅婉珮（左）噚日結婚，同區區議員姚嘉俊（右）到賀，姚仲喺facebook發帖話佢哋「打風都打唔甩」。（姚嘉俊fb）

【明報專訊】噚日朝早8號風球啱啱「落波」無耐，沙田區議員陳壇丹同羅婉珮就喺律師見證下結婚。陳壇丹同Emily講，原本打算去沙田婚姻登記處註冊，點知遇上打風，前一晚唯有臨時變陣，搵律師改去沙田婦女會嘅中心舉行儀式。佢話同一區議會已有區議員姚嘉俊、陳敏娟夫妻嘅「先例」，所以有向姚嘉俊請教點樣平衡私人生活同工作，對方建議佢適當時候要放低工作，「同埋要𧨾一𧨾老婆」，仲話有好多議員希望佢哋響應政府呼籲「三年抱兩」。

陳壇丹話噚日大概12點，即係三號風球懸掛緊嘅時候，喺律師、親友、區議員同事等見證下結婚，仲搵咗沙田前區議員彭長緯同黃戊娣做證婚人。

陳壇丹話自己係太太嘅大學師兄，兩人在學時開始拍拖，畢業後就同太太先後投身地區同婦女工作，有好多合作機會，加埋舊年雙雙當選區議員，感情愈來愈穩定，於是決定今年結婚。未來打算方面，佢話因為工作關係，暫時未有時間度蜜月，可能要下年先。至於有無生小朋友嘅打算，佢就話同太太都鍾意小朋友，希望有下一代，「到底會唔會有(小朋友)都睇緣分」。

更多港聞

【Emily】被請去廉署咖啡廳 林定國聽到話驚驚

【明報專訊】律政司長林定國噚日被請去廉署飲咖啡，所為何事？原來喺廉署北角總部地下大堂嘅咖啡廳「一九七四」開幕，林定國獲邀出席開幕禮，佢仲講笑... 詳情

【Emily】市建×中國美術學院 中上環推5個AR打卡位

【明報專訊】市區重建局喺中上環推出「城蹤遊」計劃（City Walk），包括喺區內5個具歷史意義嘅地點增設擴增實境（AR）公共藝術新景點，其... 詳情

【Emily】故宮館再派學生飛

【明報專訊】香港故宮文化博物館將喺11月23日至24日再度舉辦學生免費入場日，今次會提供4000張門票，今日中午起喺預約平台Cityline... 詳情

打風撤畢業禮捱轟 中大補鑊改周日 多人自發回校 有畢業生籲聯署遭勸離場

【明報專訊】熱帶風暴「桃芝」襲港，中大前晚（13日）宣布受8號風球影響，「不得不取消」在百萬大道舉行的學士學位頒授典禮，大批應屆畢業生及校友... 詳情

3書院如常行禮 和聲院長：風球啟示遇困需鼓勵自己

【明報專訊】中大9間書院各設書院畢業禮，惟受熱帶風暴「桃芝」影響，6間昨取消典禮，延至周日補辦，只有崇基學院、和聲書院及逸夫書院昨午如常舉行... 詳情