【Emily】男拔附小捷徑梯動工 校友話年內難竣
[2024.11.04] 發表
【明報專訊】拔萃男書院附屬小學毗鄰旺角東站，但無通道直接聯繫，Emily今年7月講過話校方同港鐵及政府部門商討咗15年，各方終支持由校方建一條樓梯捷徑，由旺角東站直接駁上校園，並由校友斥資1060萬元興建。工程7月搞咗「動工禮」，但因為有好多技術及協調問題，各方又開咗六七次會，終於喺10月底有工人開工。參與為師弟爭取建路嘅立法會議員田北辰話，原本以為今年底可以建成，但按目前進度，農曆新年後都未必竣工，搞搞吓隨時拖到復活節假期。
其實呢條捷徑樓梯只係長32米、有57級，建成後學生唔使兜大圈返學放學。不過，樓梯涉及斜坡及港鐵土地業權，亦要多個部門審核，所以變得好複雜。田二少話，據工程人員回報，斜坡工地泥土比較鬆，施工要小心，田二少話擔心有啲咩差池，山坡一瀉而下的話，成個工程隨時告吹。
更多港聞
【明報專訊】全國人大常委會今起一連5天在北京舉行會議，港區全國人大常委李慧琼昨稱將爭取在會上提問，了解本港大學與內地頂尖大學有何合作措施，形...
詳情
相關新聞
