【Emily】M+新展「造物記」 「好好洋服」霓虹招牌再現

[2024.11.02] 發表

【明報專訊】M+博物館今日起有新展覽「造物記」，展出最少10多個藝術家、設計師及建築師嘅作品，透過展品探討創作物件嘅人點樣運用設計、物料，以至循環再用嘅概念。展品之中，市民比較熟悉嘅可能係「好好洋服」4個大字嘅霓虹招牌，將會連同霓虹招牌設計草圖嘅原稿一同展出。持標準門票就可以入場參觀。

除咗霓虹招牌，同一展區有武重義建築事務所嘅風與水咖啡館結構研究模型，以展示竹係生長迅速、可持續嘅物料。該區主題為「物料的潛力」，會聚焦於創作者點樣嘗試用唔同物料，從而探討佢哋如何發展技巧同技術。

青花瓷演變思消費主義影響

另外3個主題係「陶瓷：觀念蛻變的故事」、「人手與機器」及「行為與後果」，分別會借青花瓷嘅演變探索消費主義而衍生嘅影響；探討電腦、人工智能等發展；以及展出一系列海報，以警告大家正邁向一場道德同生態危機。

更多港聞

【明報專訊】財政司長陳茂波率領創科及金融界出訪沙特阿拉伯，噚日結束行程返港。隨團嘅立法會議員吳傑莊總結行程，認為當地年輕人口眾多，住屋需求大... 詳情

【明報專訊】康文署舉辦第22屆「粵劇日」，今年首次喺高山劇場舉行，除咗演折子戲，仲有工作坊、試演、講座、攤位活動、導賞活動、名伶簽名會等，當... 詳情