【Emily】周六睇恐怖片「包場」 何敬康話銷情驚悚
[2024.10.21] 發表
【明報專訊】新民黨立法會選委界別議員何敬康話，上周六晚同太太食飯後，係港島鬧市某戲院搵咗一齣恐怖電影睇，點知入場見到嘅場面同樣驚悚，話佢哋竟然可以周六「包場」。佢話已經係周末時間，睇嘅又係具娛樂性嘅大眾類電影，銷情都咁樣，平日市况更不敢想像，形容咁嘅場面反映消費市場確實低迷，但點樣可以走出呢個困境，佢都未諗得通。
港人北上消費對市道確有影響。另一選委界別議員江玉歡話，有幾個外地朋友到香港開會及去廣州參加廣州交易會，話離港前趁仲有一個周末，佢做導遊帶朋友從廣州搭高鐵到桂林陽朔走走。江玉歡話，佢由香港去廣州南站跟朋友會合，再轉高鐵去桂林，見到唔少香港人都識得喺廣州南站轉車去其他城市。
江玉歡話，遊陽朔日夜都繽紛，日頭坐船遊灕江，晚上睇表演、做腳底按摩，夜市仲營業至凌晨兩點。佢話香港政府嘅《香港旅遊業發展藍圖2.0》就快公布，睇吓可唔可以集各方意見，做到好似陽朔旅遊咁多姿多彩。
更多港聞
【Emily】共創明Teen添食 陳國基盼更多導師
【明報專訊】共創明「Teen」計劃已經推出咗兩年，政務司長陳國基噚日出席相關活動時公布計劃「添食」，話即將要開展第三期，希望各界繼續支持，並... 詳情
【Emily】東涌延線工程 出動「女神」挖隧道
【明報專訊】港鐵正展開東涌線延線工程，項目包括將現時嘅東涌線由東涌站延伸1.3公里至東涌西，成為新嘅終點站，要開挖隧道；工程亦會喺香港站東側... 詳情
耀中幼教增碩士課程 普通話授課吸內地生 校長倡政府統計移民潮影響
【明報專訊】本港出生率下跌，幼稚園營運首當其衝受影響，牽連幼教界發展。即將退休的耀中幼教學院校長袁海球接受本報專訪，談到本港幼稚園減少，他認... 詳情
【明報專訊】幼稚園教師陪伴牙牙學語的孩童成長，亦可奠定幼兒品格、學習態度。本月底將退休的耀中幼教學院校長袁海球任職教育界多年，他深信幼兒教育...
詳情
相關新聞
