【Emily】話或贏戰役輸咗國家 葉劉籲來港避難 以領館：國民好堅韌
[2024.10.04] 發表
【明報專訊】中東近期戰雲密佈，以色列同哈馬斯開戰會唔會擴大成區域戰爭，備受國際關注。身兼行政會議成員嘅新民黨主席葉劉淑儀喺社交網站話，如果以色列人想去一個安全啲嘅地方，可以考慮嚟香港，但呢番言論引起以色列駐港總領事館留言反駁，話以色列人經歷挑戰，只會變得更強。雙方言論引起迴響，葉太原帖兩日內有超過4.6萬觀看次數，轉發60幾次。
葉太出po四小時即反駁
葉太喺社交網站X(前稱Twitter)轉發《時代雜誌》一篇以色列母親喺局勢緊張同國內民眾情緒下留喺以國嘅複雜心情，葉太以英文留言話：「以色列可能贏緊對哈馬斯同真主黨嘅戰役，但就失去自己嘅國家。如果有以色列人想要一個安全嘅地方養兒育女同生活，可考慮香港。你可以在我們的城市安居，快樂咁生活。」
以色列駐港總領事館4個鐘頭後留言反駁，話以色列人好堅韌，過去都遭逢過挑戰，只會遇強愈強。館方又話，會堅定不移咁堅持和平、安全同民主自由價值，令以色列成為繁榮國家同經濟體。館方又用中文留言話：「猶太新年5785即將到來，祝願全世界繁榮昌盛，國泰民安。」
更多港聞
【Emily】法國科學節主題海洋 可體驗VR潛海
【明報專訊】法國科學節一向係法國科學界嘅年度盛事，過往活動涵蓋腦震盪、生物多樣性、運動等主題。今年嘅主題係「海洋深知」，法國駐港澳總領事館連... 詳情
【Emily】俄賀與華建交75年 丘應樺切蛋糕
【明報專訊】今年除咗係75周年國慶，亦係中俄建交75周年。俄羅斯駐港總領事館前日舉辦切蛋糕儀式慶祝呢個日子，同場仲有中國外交部駐港特派員崔建... 詳情
【Emily】肉肉大米叫陣貶對手 挽肉と米黃傑龍：不太有禮
【明報專訊】日式漢堡扒專門店「肉肉大米」喺香港嘅首間分店噚日開幕，投資推廣署助理署長蔣學禮恭賀佢哋落戶香港。「肉肉大米」負責人早前公開話，佢... 詳情
【Emily】共享基金會赴老撾災區 助防登革熱爆發
【明報專訊】老撾近月經歷多次嚴重風暴，暴雨及洪水影響多個省份及社區，超過25萬人受災。香港共享基金會上周派人去老撾北部琅南塔省村落做災後評估... 詳情
相關新聞
