【Emily】理大推「跨學科組合學士」 首年課程任讀 再定主修
[2024.10.01] 發表
【明報專訊】理大下學年起開辦7個組合學士課程，包括「跨學科組合學士」，校方話學生可以喺入學首年探索唔同學院提供嘅課程，之後再決定主修科目，以增加學習自主及彈性。理大希望採用更靈活嘅本科招生策略，旨為培育推動社會創新及具備多元實力嘅專才，並為學生提供更彈性嘅專業選擇。
理大下學年其他新課程分別係理學、工商管理、人文學科、工程學科、建設及環境、計算機及數學科學組合學士課程。校方話，學生會先喺所在學院修讀一年級共同課程，以建立穩固嘅知識基礎，之後可以根據意願及一年級學業綜合評估，喺同一學院內靈活選讀主修課程。而部分直接入讀個別學系或課程嘅學生，理大亦會提供彈性，以相同方式轉換至同一學院內嘅其他主修課程。
另外，為應對社會人力需求，理大下學年開辦建築學(榮譽)理學士課程，同數據科學及人工智能(榮譽)理學士組合等課程。
更多港聞
【Emily】海園哈囉喂現城寨鬼屋 韓國OPPA演吸血鬼騷
【明報專訊】萬聖節就快到，每年都會舉辦唔同應節活動嘅海洋公園又有新搞作，市民即日至11月3日可以入園睇10個「暗黑表演」，包括由韓國吸血鬼男... 詳情相關新聞
