【Emily】立會議廳閉門拍片賀國慶
[2024.07.06] 發表
【明報專訊】噚日下晝立法會內委會會議結束後，一眾議員把握與財委會會議之間嘅20分鐘空檔，浩浩蕩蕩趕去會議廳，由秘書處安排拍攝短片賀國慶。Emily同行家希望一睹拍攝情况時，發現會議廳重門深鎖，可以睇到會議廳嘅公眾席同教育廊都封咗，連大門玻璃都遮埋。到底有咩咁神秘？多個議員同Emily講，其實只係一齊高呼幾句口號，祝福祖國富強昌盛、香港繁榮穩定，仲有職員將以紅底、黃色大字印刷嘅口號放喺2樓公眾席提示議員，拍完就匆匆收起(圖)。除一齊拍片，秘書處近日亦邀請議員各自拍片賀國慶，不過每人只講約5秒，有議員話要言簡意賅。
更多港聞
相關新聞
