【Emily】將軍澳入境處結婚禮堂啟用 5打卡位 新人滿意

[2024.07.01] 發表

【明報專訊】將軍澳入境處總部嘅結婚禮堂上個禮拜三(6月26日)正式啟用，截至上周六(6月29日)已有228對新人預約喺度舉行婚禮，其中28場婚禮已完成。噚日喺新禮堂做婚姻登記同宣誓嘅王氏夫婦話，大樓設施新同環境好，滿意整個流程。

婚姻登記處有五大打卡位，包括禮堂內嘅星空幕牆、等候大堂同婚禮禮堂嘅花藝佈置、心形花圃、頭紗雕塑《織愛》，同埋婚姻登記處外嘅「囍」字特色牆。

噚日喺度做婚姻登記同宣誓嘅新人王氏夫婦分別來自內地東北同福建，由於喺香港相識，所以喺度搞婚禮。佢哋話考慮過去紅棉路婚姻登記處，後來知道將軍澳有新大樓後，覺得環境比紅棉路闊落，氣氛亦較輕鬆。

新娘子形容，從婚姻登記到去禮堂宣誓，尤其喺親朋好友面前講出「我願意」嘅過程，都富有儀式感，比起內地偏向行政化嘅登記過程，「更有要往新階段前進的感覺」。新郎哥就讚新大樓環境同設施好、交通方便、職員友善，對整個流程感到滿意。

更多港聞

【明報專訊】為慶祝香港回歸27周年、迎接中華人民共和國成立75年，工聯會與屬會舉辦百多項慶祝活動，話預計超過8萬人次參與。工聯會噚日喺工人俱... 詳情

【明報專訊】聯合國人權理事會將開會討論有關中國人權狀况審議報告，政府噚日公布，政務司長陳國基今日七一凌晨出發去瑞士日內瓦，以中國代表團副團長... 詳情