【Emily】反駁吉舖多 羅淑佩：皇后山濕街市租七成
[2024.05.08] 發表
【明報專訊】立法會議員劉國勳、江玉歡都關注粉嶺皇后山街市空置率高、租戶經營嘅問題，其中江玉歡禮拜一就撰文話街市「十室九空」、「吉舖至少有近三分之一」。事隔一日，房屋署長羅淑佩噚日不點名回應話，皇后山濕街市出租率約70%，又話根據消費模式改變，當中嘅熟食檔口出現吉舖可以理解。
羅淑佩喺facebook講番上月中去皇后山邨同山麗苑視察一個下晝，當時特登行埋停車場同商場，「我到訪時遇上下午放學、放工時間，當時觀察所見，商埸人流、生意皆不俗，也沒有見到吉舖」。
熟食檔多空置 關多叫外賣北上消費
至於濕街市，佢話出租率約70%，詢問下得知主要空置係一啲熟食檔口，可能受季節性波動同居民消費模式改變影響，例如叫外賣、北上購物等，佢形容「出現吉舖也可以理解」。佢話房署已要求街市總承辦商搵下熟食店以外嘅租戶，承辦商都可以考慮為租戶訂立短期租約，續約或新租戶承租時都會訂立符合市况嘅新租金。
更多港聞
【明報專訊】由律政司主辦嘅「2024年調解周」前日至周四（9日）舉行，噚日研討會主題係職場爭議調解。律政司長林定國噚日喺facebook話，...
詳情
【Emily】佛誕臨近 嘉道理：放生習俗被扭曲
【明報專訊】下周三（15日）係佛誕，唔少人當日會參與放生儀式，嘉道理農場暨植物園提醒，放生牽涉動物買賣，而商人為咗提供足夠嘅動物供放生，其實... 詳情
【明報專訊】本港部分直資中學或國際學校開辦的國際文憑大學預科課程（IBDP），近日展開考試。國際文憑組織（IBO）日前發聲明指，發現少數學生...
詳情
相關新聞
