【Emily】候任區議員今上培訓班
[2023.12.18] 發表
【明報專訊】新一屆區議會1月上任，一眾候任區議員今日上培訓班。民政及青年事務局長麥美娟噚日喺無綫節目《講清講楚》提到區議員會有履職監察機制，亦有負面行為清單，包括接收、轉介市民投訴等，確保其工作可以達到市民期望。佢講明區議員嘅工作係幫政府推廣政策，但如果仍有市民反對，區議員就要將意見收集，再反映畀政府，認為唔存在矛盾。
今屆區選投票率只得27.54%，被問到滿意與否，麥美娟就話選舉目的係選出一批有心、愛國愛港嘅人服務社區，目的已達，仲覺得今次有百幾萬市民參與投票，顯示市民非常支持。
來屆區會直選議員唔夠兩成，且選區面積都比以前大，麥美娟認為，嚟緊區議員要服務嘅範圍大咗，都係一種方法令區議員唔好等到選舉後先做嘢；又認為大家都希望有一個目標，喺地區工作方面可以全面覆蓋市民，嚟緊唔會再出現一條屋邨有幾個區議員辦事處嘅情况，區議員唔會「爭嘢做」，認為市民求助唔再有地域界限。
更多港聞
浸大倡校外校董增至七成 學生會會長不再必然出任
【明報專訊】香港浸會大學計劃改革校董會組成，現就新方案諮詢大學社群，提出削減8名校內校董，增1名校外校董，使校外校董佔比大增，由一半增至逾三... 詳情
相關新聞
