【Emily】各國使節遊故宮館 馮程拉生意 外交公署sell中華文化：追求和平和諧統一
[2023.12.06] 發表
【明報專訊】外交部駐港特派員公署噚日搞搞新意思，邀請駐港總領事、國際商會同多個西方傳媒代表一齊參觀故宮文化博物館，睇三星堆等展覽，有近90人出席，現場所見包括美國駐港澳副總領事Colin Crosby、歐盟駐港辦事處主任高宇馳，仲有嚟自荷蘭、汶萊、哥倫比亞、以色列、土耳其等嘅總領事。
美駐港副總領事有份
西九文化區近年財政比較手緊，西九管理局行政總裁馮程淑儀噚日見到咁多外賓，都乘機搵生意，呼籲各位領事考慮下多啲喺西九搞活動同展覽，亦歡迎外國元首到訪，舉例話近期德國商會同英國駐港總領事館都分別租用M+同故宮館，慶祝國慶、英王生日。故宮館館長吳志華仲笑住話場地價格好相宜，大家如有興趣，甚至可以打個折頭。
外交部駐港署理特派員李永勝致辭時話，中華文化一直追求和平、和諧同統一。佢舉例話，北京故宮紫禁城包括太和殿、中和殿及保和殿，「顯示中國珍重和平與和諧」。佢又話，中國自古追求統一，雖然經歷朝代更替，但經常都係統一，形容中國人都有同一信念，就係領土不能分裂、不能混亂，文明不能中斷。
李永勝又話會考慮再辦同類活動，希望愈搞愈好，搞出一個品牌，亦會帶團到內地參觀。被問到建制派先後建議同「英美修和」，佢話唔太清楚具體說法，但可以睇下中國《憲法》，當中規定外交基本原則，同埋中共二十大報告，當中就可以搵到答案。
更多港聞
【Emily】穿越海洋公園萬花筒 伴小王子過聖誕
【明報專訊】仲有兩個幾星期就到聖誕節，海洋公園將於今個星期六（9日）起舉行「聖誕全城HOHOHO」，園區除咗有金光閃閃嘅聖誕樹、聖誕老人同精... 詳情
【明報專訊】最新一份審計報告審核中大由外間機構經營嘅餐廳、超市等，提到中大嘅餐廳容許街外人幫襯。浸大政治及國際關係學系副教授陳家洛噚日發帖，...
詳情
【Emily】陳弘毅獻「第一次」 幫實政街站嗌咪
【明報專訊】立法會議員田北辰嘅組織實政圓桌，幾經辛苦先保到一人出戰區議會選舉，連日來田二少都係一人樂隊，隻身幫助出選屯門西嘅莊豪鋒企街站，唔... 詳情
【Emily】考察焚化爐工程 張欣宇巧遇大學同窗
【明報專訊】立法會工務小組委員會成員噚日去石鼓洲外海嘅人工島，考察本港首座焚化爐、處理都市固體廢物轉廢為能設施I．PARK1【源．島】嘅工程... 詳情
中學「逆市」淨增3班 津中議會：輸才計劃紓壓 未樂觀
【明報專訊】臚列全港中學今學年開班數目的《中學概覽》昨日出版。本報統計發現，本學年有12間中學擴班，共增13班，另有10間中學累計減10班，... 詳情相關新聞
