【Emily】光影+沙畫 窺SEN劏房戶點滴
[2023.11.25] 發表
【明報專訊】為咗增加公眾對住喺劏房、育有特殊教育需要(SEN)兒童家庭嘅了解， 香港基督教女青年會(女青)噚日到聽日喺賽馬會創意藝術中心舉辦「光影?角落」劏房家庭體驗展覽，透過實景裝置、光影設備、相片同沙畫等，展出50個嚟自深水埗、旺角東同大角嘴劏房家庭嘅生活點滴。
市民可免費入場，展覽設5個特色互動展區，由感受佢哋嘅生活狀况開始，欣賞吓佢哋點樣將狹小環境變為小朋友嘅秘密基地同藏寶之處。之後再了解佢哋內心世界，例如生活點滴、SEN兒童眼中嘅天空、未來盼望，同埋父母點樣喺在社工協助下克服仔女學習障礙，增進親子關係。
女青仲話現場擺咗50個專屬郵箱，屬於50個育有SEN兒童嘅家庭，呼籲市民觀展後寫低心意卡擺入郵箱，幫佢哋打氣。
更多港聞
相關新聞
