【Emily】夏寶龍南下深圳 晤太古集團CEO

[2023.11.15] 發表

【明報專訊】國務院港澳辦主任夏寶龍南下深圳，噚日會見英國太古集團行政總裁施銘倫一行人。港澳辦喺傍晚發新聞稿，並附上照片，中聯辦主任鄭雁雄同副主任劉光源都在場。

施銘倫係太古最終控權股東施懷雅家族成員，佢早幾年都做過上市公司太古股份嘅主席，𠵱家係太古股份同國泰航空嘅董事，不時來港。

新聞稿內一共5次提到「一國兩制」，包括引述夏寶龍話對太古長期以來扎根香港，支持一國兩制，促進香港經濟發展表示肯定同讚賞。夏寶龍又話，希望太古繼續堅定支持一國兩制方針，積極參與中國高水平對外開放，共享中國龐大市場同開放發展嘅紅利，為香港經濟社會發展多做貢獻。

施銘倫就話太古看好香港發展前景，對一國兩制充滿信心，會繼續加大對香港同內地嘅投資，積極參與大灣區建設。太古舊年提出未來10年投資千億元發展中國內地、香港同東南亞嘅地產業務，單係內地就佔咗千億嘅一半。

更多港聞

【明報專訊】政府上月22日起提高公眾地方亂拋垃圾等定額罰款，食環署噚日公布截至周日（12日），新罰則生效3周內發出咗1248張罰款通知書，其... 詳情

【明報專訊】NBA同CBA名宿馬貝利（Stephon Marbury）前日喺人才服務辦公室陪同下受訪，宣布遞交咗高才通申請。推動「搶人才」嘅... 詳情

【明報專訊】Emily先前報道過，金管局舉辦金融峰會期間安排文字記者睇直播，記者亦唔能夠即場邀約嘉賓訪問，要預約，做法引起行家微言。香港記者... 詳情

【明報專訊】《施政報告》提出智慧屋邨管理，房委會明年會挑選10條公共屋邨做試點，引入創新科技，例如利用物聯網感測器、人工智能、行動裝置等，幫... 詳情

【明報專訊】現時唔少活動會「包起」電車慶祝，中國太平保險集團就為慶祝創立94周年，下周一（20日）請全港市民免費搭電車，希望為港人繁忙嘅工作... 詳情