【Emily】議員工作忙 姚柏良鄭泳舜代表立會渡海泳
[2023.11.13] 發表
【明報專訊】「新世界維港泳」年年都吸引唔少政界名人參加，今年繼續有立法會議員姚柏良同鄭泳舜，Emily睇番舊相，上年嘅「立法會飛魚小隊」仲有容海恩，同多名議員「啦啦隊」，但今年部分人唔見蹤影。姚柏良解釋話議員工作忙，加上最近好多落區宣傳工作，但大家又想做好準備先參加，故今次由佢同鄭泳舜代表立會。
講到渡海過程，鄭泳舜話雖然天陰陰，好在水溫都暖，但覺得水流較急，難游過上年，游咗近45分鐘，比預期多10分鐘，可能游歪咗，故游咗1.3K。阿舜話佢參加「優悠組」，大家都好客氣，慶幸無中腳，都飲咗幾啖海水；又讚今年參加者大增，運作流程井井有條。
姚柏良就話，大家一齊望住Rosewood酒店游，方向清晰，游得好開心。佢亦提到活動帶動香港嘅體育氣氛，亦證明咗香港嘅游泳事業同游泳運動員嘅發展。
會計界前議員梁繼昌都有份游，佢喺facebook話水溫好舒服，水質比往年好，近星光大道海域已冇惡臭，希望出年完成時間可推前啲。意大利駐港總領事費文浩都有落水游埋一份。
更多港聞
【Emily】前北九裁判院「開庭」 林定國任「法官」
【明報專訊】星期日法院一般休息唔開庭，但「北九龍裁判法院」噚日就特別「開庭」審理一宗販毒案，而律政司長林定國就轉換身分擔任案件「法官」，立法... 詳情
【Emily】糧船灣半日遊新路線 不止自然美 仲有鄉村美
【明報專訊】講起糧船灣，好多人都會諗起岩柱群，其實除咗大自然美，仲有鄉村美。香港地質公園藉綠色旅遊推廣鄉郊村落文化歷史，特登設計全新嘅糧船灣... 詳情
【明報專訊】《施政報告》提出下學年起擴大8間資助大學非本地生限額至40%。現時大學的非本地生以內地生居多，教育局長蔡若蓮昨在無綫《講清講楚》...
詳情
相關新聞
