【Emily】訪談老牌中小學 教大候任校長出書
[2023.08.22] 發表
【明報專訊】香港教育大學署理兼候任校長李子建將於9月1日正式接任校長一職，佢之前一直熱中於研究本港教育承傳，早前率領團隊走訪位於灣仔、東區及南區若干歷史悠久嘅中小學校，同校友、老師訪談，回顧老牌學校發展同歷史，團隊並將訪談內容匯集成書《眾志成城——灣仔、東區與南區學校的故事》。
團隊訪問咗唔少老一輩名校校友，好似喺東華三院李賜豪小學畢業嘅科大經濟學系榮休教授雷鼎鳴就話，小學有一課叫做「尺牘課」，尺牘以「禮」為主，即主要教學生人倫及禮儀有關嘅課題，話1970年代前嘅所有小學生都要學習，課堂上會介紹書信體裁格式、禮儀及親戚稱謂等。發展局長甯漢豪係瑪利曼小學校友，佢喺訪談中提到，讀小學時同學們曾因學校更換辦學團體而感到不安，後來得到新辦學團體修女嘅主動關懷，令佢感受到校方重視學生想法。赤柱聖士提反書院校友、港鐵前主席錢果豐原來細個時係百厭仔，話當年會與同學划獨木舟出海、跑上山嶺摘山棯、餘甘子等。
李子建團隊走訪嘅學校有皇仁書院、香港華仁書院、瑪利曼小學等，當中唔少知名校友，如何東中學嘅校友就有演員江美儀及蘇玉華等。
更多港聞
【Emily】許智峯獲澳洲律師資格 冀長遠專注人權國際法
【明報專訊】被警方國安處懸紅100萬元通緝、正流亡海外嘅立法會前議員許智峯（圖），噚日喺facebook透露近况，提到出席完南澳洲最高法院嘅... 詳情
【Emily】邵家臻「一拳書館」分享會 警按舉報查牌
【明報專訊】早前出版《坐監情緒學》一書嘅立法會社福界前議員邵家臻同油尖旺前區議員朱江瑋，前日喺「一拳書館」搞新書分享會，其間有警員上門「查牌... 詳情
相關新聞
