【Emily】大埔名貓「老虎仔」逝世
[2023.08.11] 發表
【明報專訊】大埔社區前晚傳來噩耗，喺大埔中心生活嘅藥房貓「老虎仔」去世，有街坊仲喺社交群組哀悼，發起一人一相緬懷老虎仔。
近期便利店「看舖」 街坊一人一相緬懷
老虎仔係大埔中心嘅名貓，本來由藥房職員飼養，日頭會喺附近街上玩，又會喺舖頭門口曬太陽，街坊行過都會同佢打招呼，而佢最受小朋友歡迎，因為佢性格溫馴，會畀小朋友摸佢。不過，老虎仔近期「搬家」，以前夜晚會返藥房瞓，但其後走咗去隔籬間24小時便利店，由於佢好可愛，受店員鍾愛，仲喺店內放埋紙盒、貓糧，老虎仔就搬埋去便利店，自由自在日夜都可以去街玩，街坊不時喺深夜見佢坐喺便利店門口「看舖」。
有網民話老虎仔日前返便利店後瞓低唔郁，有街坊帶佢睇醫生，但話救唔番。有街坊噚日問便利店職員，職員話唔知死因。有街坊話前幾日仲見老虎仔喺街玩，唔知喺咪食錯嘢致死。
更多港聞
【Emily】近6屆北京舉辦 「未來科學獎」首在港舉行
【明報專訊】由內地科學家、企業家發起嘅「未來科學大獎」，將於10月14至17日首次喺香港舉行系列活動，其中頒獎禮將壓軸最後一日喺香港故宮博物... 詳情
【明報專訊】由消費者委員會舉辦嘅第23屆「消費權益新聞報道獎」公眾投票已經開始，今屆嘅「新聞攝影獎」及「大專院校新聞獎」兩個組別繼續設有公眾...
詳情
【明報專訊】區議會選舉將喺12月10日舉行，廉政公署展開一系列以「守法規 重廉潔」為主題嘅教育及宣傳項目，包括喺超過100個地點舉辦快閃互動...
詳情
相關新聞
