【Emily】圍方開幕 擺「烏蠅頭」藝術裝置

[2023.07.24] 發表

【明報專訊】大圍站上蓋商場「圍方」上周六開幕，吸引唔少市民嚟到，一度人頭湧湧，除咗店舖，商場內有以「烏蠅頭」列車零件組成、名為《重生》嘅藝術裝置(圖)。創作者從港鐵東鐵線退役列車及其細節擷取靈感，以藝術創作手法，將列車金屬零件及組件重構成呢個巨型裝置。

俗稱「烏蠅頭」嘅港鐵東鐵線12卡列車上年正式退役。而《重生》由內地藝術家鄭路創作，佢以抽象方式，將退役列車嘅金屬零件重新建構，並轉換為機械拼貼畫面，作品同時將複雜嘅內部結構，激發觀眾嘅聯想力同好奇心，並以當代時尚設計融入商場，喚起香港人嘅集體回憶。

關注鐵路團體盼介紹零件

惟關注鐵路嘅團體「火車未到站」認為，雖然作品取自被棄置嘅退役列車車廂，並獲賦予新價值，但呢種模式更應該被稱為「升級再造」，而非「保育」，並期望有關機構，可以喺藝術品附近嘅牆身介紹裝置上所使用嘅零件。

更多港聞

【明報專訊】民政及青年事務局今年與數碼港及科技園公司，合作推出新一輪「青年初創實習計劃2023」，為18至30歲青年提供到本地初創企業實習嘅... 詳情

【明報專訊】為推展古洞北新發展區計劃，位於石仔嶺花園嘅私營安老院舍要清拆，民建聯立法會議員劉國勳噚日喺社交媒體發帖，話噚日出席咗「睿柏園」（... 詳情