【Emily】「不可獨食」 鄧炳強請實習生嘗九黃糉
[2023.06.23] 發表
【明報專訊】噚日端午節，相信唔少人嘅早午晚餐都總會食糉。保安局長鄧炳強噚日就喺facebook提到，好多朋友知佢鍾意食鹹蛋黃，甚至有個老友每年端午節都會親手包幾隻「九黃鹹肉糉」畀佢。佢話繼中秋節請同事食「十黃月餅」後，今次再同一班千禧後嘅保安局實習生分享「九黃鹹肉糉」，形容係「少食多滋味」，亦係「不可獨食嘅傳統美食」。
鄧炳強親手切糉，話慶幸有一班實習生在場才能食晒。被問到「九黃鹹肉糉」有乜寓意，佢話係寓意長長久久。鄧炳強亦同實習生分享食糉喜好，問實習生鍾意食鹹肉糉、鹼水糉定係上海糉等「特別地區糉」，有3個人不約而同話鍾意食鹹肉糉，鄧再問係咪因為有鹹蛋黃同鹹肉，有實習生笑指因為「飽肚」，鄧就提醒大家「吃飽就要開工」。
更多港聞
【Emily】水上樂園辦「世界最大泳課」學防遇溺
【明報專訊】海洋公園水上樂園噚日端午節舉辦「世界最大游泳課」，近300名參加者喺樂園嘅天海灣，學習點樣換氣同掌握水中呼吸節奏等基本游泳技巧，... 詳情
【明報專訊】AI（人工智能）能否取代人類持續掀討論。填詞人周耀輝自2011年起在浸大教歌詞創作班，課上常提學生「勿變成AI」，深信流行音樂必...
詳情
相關新聞
