【Emily】吳傑莊去海峽論壇 向青年sell灣區
[2023.06.13] 發表
【明報專訊】自從全面通關之後，好多立法會議員都頻頻趁會議空檔外訪、內訪，嚟緊周末喺福建舉行嘅2023年海峽論壇，選委界別嘅吳傑莊(Johnny)將會出席兼發言，所以周五(16日)嘅內會、財會就要請假。
Johnny同Emily講，今次出席嘅係海峽青年論壇部分，主要目的係推廣大灣區發展機會，希望吸引到更多青年考慮去大灣區發展，當中包括台灣嘅青年。中國和平統一促進會香港總會會長、政協常委姚志勝今次都會一齊出席論壇。
Johnny又話將會成立一個3億元嘅創業基金，政府、商界同佢本人都會出資，資助香港、台灣同福建三地有意創業嘅年輕人，而佢自己喺前海、南沙都有創業基地。對於有人認為投資初創有時猶如「丟錢落海」，Johnny就話已有經驗分析到邊啲計劃比較可行，起碼唔會係丟錢落海嘅，不過的確未必可以賺到錢。
籌3億創業基金 資助港台閩青年
睇番海峽論壇嘅官方網站，今屆論壇為期一星期，主要活動集中喺廈門舉行，至於海峽青年論壇就喺周四至周六(15日至17日)舉行，主題圍繞青年、服務基層、經貿交流等。
更多港聞
【明報專訊】立法會仲有大約一個月左右就放暑假，10月復會，唔少議員已開始安排「放假」期間嘅外訪工作。Emily近日翻查立法會文件，發現喺立法...
詳情
【明報專訊】本報噚日報道，用導管餵食嘅嚴重智障者只可以申請輪候入住小欖醫院，嚴重弱智人士家長協會引述社署話，初步考慮容許透過殘疾人士住宿服務...
詳情
習七一講話納教材 倡公民科兩節教授 教局建議討論「愛國者」標準等
【明報專訊】國家主席習近平去年7月1日訪港發表講話後，政府頻密舉辦「習思想」座談會，教育局曾向老師派送講話的單行本。事隔近一年，教育局近日上... 詳情
相關新聞
