【Emily】故宮館「卡地亞展」 盡覽王妃巨星珍藏
[2023.04.12] 發表
【明報專訊】香港故宮博物館同卡地亞(Cartier)舉辦嘅特別展覽「百樣玲瓏——卡地亞與女性」噚日舉行開幕禮，展覽由星期五(14日)至8月14日，探索女性同珠寶嘅親密關係，會展出約300件珠寶首飾，包括由演員林青霞同劉嘉玲、企業家何超瓊珍藏嘅冠冕。
包括林青霞劉嘉玲何超瓊珍藏
展覽有4個部分：「皇室與貴族女性」展示王室同貴族女性喺19世紀卡地亞發展初期扮演嘅角色；「女性新姿：打破傳統」介紹女性解放潮流下嘅新風格珠寶；「好奇尚異：跨文化靈感」可以睇到卡地亞曾依照清代康熙五彩庭院仕女圖瓷盤製作嘅化妝盒；「非凡女性：璀璨新傳奇」就展出摩納哥王妃Grace Kelly、溫莎公爵夫人等嘅珍藏。
配合今次展覽，故宮館會舉行一系列學術講座、專題電影放映、演藝活動同藝術工作坊。展覽成人票價120元，特惠票價60元。
更多港聞
【明報專訊】「陳校長免費補習天地」（補天）正招募5000個義工，喺6月17日（星期六）父親節前夕一齊幫手賣旗，籌得嘅善款會用作基層學生免費學...
詳情
【明報專訊】今年度第一期消費券將喺周日（16日）發放，各大商戶噚日已經提早推出優惠搶攻市場。有零售業工會認為，由於經濟未完全復蘇，覺得市民會...
詳情
【明報專訊】港鐵前主席馬時亨雖然已係半退休狀態，但仍然百足咁多爪，又做公司非執董，又搞教育，近年仲做埋電視節目主持。佢舊年主持電視節目《馬時...
詳情
相關新聞
