【Emily】特首擬4月下旬帶團訪灣區 跑倫敦馬拉松 狄志遠未必到
[2023.03.31] 發表
【明報專訊】立法會秘書處噚日向議員預告，由特首李家超率領嘅大灣區考察團，暫定下月第三個禮拜出發，不過未透露具體日子同地點，要等政府安排好再另行通知。根據立法會秘書處匯報，如果內務委員會同意，就會動用每名議員任內5.5萬元嘅「海外訪問」帳目中撥款支付訪問開支。
秘書處預告，考察團將會到訪多個區內城市，其間議員會同有關省市官員見面，參觀當地創科、青年發展同文化藝術體育等範疇嘅設施。據Emily了解，考察團會於4月21日至24日北上，先分成兩組去兩個城市，其後會合一齊見省委書記。
由於行程較預期稍為押後，部分議員未必去到，例如新思維狄志遠話，準備咗4月底去倫敦馬拉松，要視乎最後日子，可能未必去到今次考察。佢話本身預期3月底考察，所以訂好機票去倫敦，仲練習咗大半年，相信未來仲有機會去內地交流。
更多港聞
【明報專訊】新冠疫情期間，好多廠商叫苦連天，廠商會會長史立德噚日見傳媒時，話香港同內地全面通關後，被問得最多嘅問題係：「訂單返來未？」佢就話...
詳情
【Emily】泰議會團訪立會 盼港加快批廚師簽證
【明報專訊】通關之後，唔少外地訪問團重返香港，立法會噚日就接待咗泰國國民議會上議院代表團，包括佢哋嘅勞工常務委員會，同埋信息技術、通信及電信... 詳情
【Emily】議辦實習生「畢業」 陳沛良讚表現好
【明報專訊】香港教育大學亞洲及政策學系兩個學生Angene同Carrie，早前喺立法會選委界別議員陳沛良嘅辦公室實習，為期3個月嘅實習期結束... 詳情
相關新聞
