【Emily】鄧家彪陳健波話議會「無以前咁過癮」
[2023.02.20] 發表
【明報專訊】新一屆立法會「愛國者治港」，工聯會鄧家彪、保險界陳健波議員都話，𠵱家議會畀市民感覺真係悶咗啲，無以前咁過癮，加上今屆議會大部分議員係新丁，大家認識更少。不過，波哥寄語議會同事，議員工作唔係去做騷，「千祈唔好畀人感覺，我要做啲好突出嘅，做無人做嘅好誇張嘅嘢，或者做番以前反對派做嘅嘢，攻擊政府」。
阿彪喺短片平台訪問波哥，兩人都話𠵱家少咗人關注立法會事務。波哥認同呢個係事實，但佢問，大家想去追求連續劇，要高潮迭起，睇完好過癮，但議會做唔到嘢，還是好似𠵱家咁，議會表面平靜，但議員密密做到嘢？佢話雖然現時無咗反對派議員同佢鬥智鬥力，感覺有啲失落，但佢話寧願𠵱家好啲。
阿彪話，現時少咗人關注議會，向波哥求教。波哥就話，傳媒會鍾意報道「火花」，有誘因令議員去做花巧事搶鏡頭，唔去做實際事，但佢認為每個議員應各有專長，要有一項係自己專長，令人一想起呢項議題就諗起你。佢話議員可以提出批評，但要幫政府諗解決方案，咁先係稱職議員。波哥仲話，議會以前有「反對派」，大家仲有得賴，但𠵱家「愛國者治港」，大家就要交到功課，議會要做到工作改善民生，唔可以同以前一樣。
更多港聞
【Emily】32年前曾參加 黃偉綸：毅行者考驗友情
【明報專訊】停辦3屆嘅「樂施毅行者」終於喺嚟緊周五至周日（24至26日）復辦。副財政司長黃偉綸噚日喺facebook發文，話自己早喺32年前... 詳情
港大稱需求殷 SEN師訓額不變 將有首屆畢業生 有學生已投身NGO
【明報專訊】近年本港出生率下跌，適齡學童減少。有大學日前稱，政府削減其師訓課程的學額，連續3個學年減約10%。港大其中一個師訓課程教育學士（... 詳情
【明報專訊】香港理工大學醫療及社會科學院專家帶領的5個項目，獲精神健康諮詢委員會統籌的第二期精神健康項目資助計劃資助。其中「減少有特殊教育需...
詳情
相關新聞
