黎瑞恩「入五」在即 趁年輕遊遍大江南北
[2023.02.07] 發表
【明報專訊】黎瑞恩本月18日50歲生日，日前獲朋友安排驚喜生日會，有醒獅助興，遲到的她一到場既驚又喜不禁「O嘴」，十分搞笑。她稱正日生日想反璞歸真平靜度過，「生日願望是個個都身體健康和開心，好多朋友話我『入五』要大搞，但每日都同好多朋友見面食飯，日日過得好似生日咁，所以正日生日想靜靜過，畀我思考吓嚟緊有咩可以做」。
黎瑞恩透露未來大計是趁有心有力尚年輕時，放眼世界遊勻內地名山大川，「整咗架旅行車周圍去，內地好多美景，好似天池咁，諗住分6條路線走，每一條路線都要行幾千公里，所以都需要一段時間先可以完成」。
娛樂組
更多影視
奪4獎成大贏家 洛杉磯塞車險缺席 Beyonce格林美得獎最多破紀錄
【明報專訊】第65屆格林美音樂頒獎禮前日（5日）在洛杉磯舉行，樂壇天后Beyonce憑新碟《Renaissance》橫掃最佳跳舞／電子專輯等... 詳情
【開箱】《敲敲門》 啓示錄四騎士 《鬼眼》導演新演繹
【明報專訊】上周五美國新片開畫日，珍芳達（Jane Fonda）等老牌女星主演的追（球）星喜劇《80 for Brady》，以及《鬼眼》導演... 詳情相關新聞
