【Emily】牆內劉頴匡託人買MC飛畀女友
[2023.01.14] 發表
【明報專訊】因「35+初選案」被控《港區國安法》串謀顛覆國家政權罪嘅劉頴匡還押緊，佢女朋友黃于喬(Emilia)不時喺社交平台「放閃」，又更新吓男友近况，噚日佢就話要表揚吓劉頴匡，竟然「坐緊監」都喺入面託上託，拜託到人買兩張張天賦(MC)演唱會嘅飛畀佢。
Emilia話劉頴匡一直知道自己鍾意MC，但明明演唱會外面都一飛難求，劉頴匡唔單止諗到，仲做得到，Emilia就話要多謝幫手買飛嘅朋友。MC演唱會開售當日已賣晒啲飛，之後政府放寬表演場地入座率到100%，主辦單位加推嘅放寬門票，都係40分鐘就賣晒。
Emilia話都唔清楚劉頴匡點畀錢人，因為佢雖然喺監獄有打工，但係入面嘅錢流通唔到出去，最多只可以買M&M朱古力，所以懷疑佢爭住人錢先，於是自己收到飛就即刻畀番錢對方。
更多港聞
【Emily】3鴿隔牆開新年檔 胡志偉同大家拜早年
【明報專訊】仲有大約一個星期就過年，民主黨前立法會議員胡志偉、林卓廷同尹兆堅因「35+初選案」還押緊，其中胡志偉團隊噚日探過佢，志偉仲託團隊... 詳情
【Emily】「Covid Virgin」葉劉赴星 3年首出國
【明報專訊】近月唔少議員出門外遊外訪，今次輪到行政會議召集人、新民黨主席葉劉淑儀，佢噚日出發去新加坡，以美國史丹福大學商學院校友會成員嘅身分... 詳情
【明報專訊】司法機構宣布下星期一（16日）會喺中環大會堂舉行法律年度開啟典禮。疫情之下，上兩年典禮都移師終審法院，2020年一屆就喺疫情爆發...
詳情
相關新聞
