【Emily】家務助理大掃除建議時薪最高160 已收1600預約 再培訓局籲快登記
[2023.01.06] 發表
【明報專訊】農曆新年就快到，好多家庭都會大掃除，而有人就會選擇請家務助理幫手。僱員再培訓局噚日同Emily講，今年會再推出農曆新年大掃除服務，同時會提供煮團年飯、整糕點服務。再培訓局經理(伙伴發展)龔書致話，今年暫時已經收到超過1600個僱主登記咗大掃除服務，預料總數同上年差唔多，大約2500個，一般建議時薪係130至150元，但臨近農曆新年，時薪可能最高去到160元，建議僱主盡快登記。
雙方須量體溫 籲提供換衫地方
疫情下嘅清潔服務原來都有唔同，龔書致話因應疫情，再培訓局制訂咗健康指引，包括僱主同家務助理都要預先量體溫，又會建議僱主提供地方畀家務助理換衫，而家務助理做嘢時全程要戴口罩，如果僱主有疫苗同病毒檢測要求，就建議同家務助理自行協商。
從事家務助理十幾年嘅阿珠話，今年係第二年做農曆新年大掃除，目前已接到7單柯打，預計今個月收入會比平時多5000蚊。
阿珠噚日仲同Emily分享大掃除貼士，例如令人頭都大埋嘅煮食爐頑固污漬，佢建議用熱水加白醋同洗潔精，浸泡爐頭1個鐘左右；至於一啲抹布難清潔到嘅細緻位，就可以改用牙刷清潔。佢提醒清潔抽油煙機時，要記得用手遮住眼再噴清潔劑，避免清潔劑刺激雙眼。
更多港聞
【Emily】拜早年親筆揮毫 陳茂波sell青年藍圖
【明報專訊】民政及青年事務局上月推出《青年發展藍圖》，近兩日各個政策局長輪流喺社交平台幫忙宣傳，拎住民青局長麥美娟送去嘅藍圖小冊子同揮春，提... 詳情
【Emily】迎兔年換新鈔 渣打網上預約爆滿 三發鈔行至21號可換 今明8點開門
【明報專訊】唔少市民喺農曆新年都鍾意用新銀紙封利市，為求攞個好意頭。匯豐、中銀、渣打3間發鈔銀行噚日開始至今個月21號，會提供新鈔同「迎新鈔... 詳情
【Emily】民建聯蒐街坊意見 盼搞好九龍城規劃
【明報專訊】九龍城區近年有唔少新發展項目，噚日民建聯舉行「九龍城未來發展規劃建議」啟動禮，未來兩個月會用網上問卷收集市民對區內發展項目嘅意見... 詳情
小學跨科國教「水資源」示例：常識教東江 電腦課VR遊長江
【明報專訊】學校需於不同科目滲入國安教育，教育局更新學與教資源供教師參考，首先上載網頁的是「小學校本國家安全教育課程規劃示例」短片，講述滬江... 詳情相關新聞
