【Emily】駐軍第24批輪換 軍官依依惜別
[2022.12.27] 發表
【明報專訊】根據《中華人民共和國香港特別行政區駐軍法》規定，經中央軍委批准，噚日(26日)完成香港防務任務嘅200名駐港部隊部分陸海空軍官輪換。駐港部隊喺元朗新田軍營舉行歡送儀式，為戰友們送行。
其間離港軍官紛紛發表感言，有談論光榮與驕傲嘅，「駐港部隊是非常光榮的部隊，駐港經歷也是一生最珍貴、最特殊、最難忘的回憶」；有表達眷戀之情嘅，「三年了，馬上離開駐港部隊非常捨不得，捨不得此處的一草一木」 。之後軍官由警察護送，經深圳灣口岸離開香港，返回內地部隊工作。今次係香港回歸以來第24批軍官輪換。根據兩地防疫要求，是次進出嘅軍官都須先喺深圳營區完成封閉隔離檢疫。與此同時，新一批軍官已分批抵港，之前佢哋喺內地陸軍特種作戰學院接受咗一個月封閉式訓練，將駐港3年至6年不等，接替履行防務職責。
更多港聞
【Emily】回應區會劃界延期 盧偉國：畀啲耐心
【明報專訊】本報噚日報道，政府正檢討區議會職能及存廢，而選舉劃界延期7個月至出年嘅6月30日。經民聯主席盧偉國噚日出席經民聯主辦嘅凱盈公園聖... 詳情相關新聞
