【Emily】前廳交流撞大會 議員有意見
[2022.12.10] 發表
【明報專訊】下星期三(14日)係2022年最後一次立法會會議，同日舉行新一輪前廳交流會，今次會轉換形式，大會舉行期間喺3點至4點半，副政務司長卓永興、保安局長鄧炳強同民青局長麥美娟等官員會出席前廳交流會，議員隨時可就有興趣嘅議題搵佢哋討論。
噚日新思維狄志遠喺立法會內務委員會提出，前廳交流會同大會時間相撞唔理想，民建聯陳克勤就唔同意，認為星期三最多議員喺立法會，而平時好多會議都撞時間，仲話平時都唔係成日見狄志遠喺大會會議廳。
建制派「班長」廖長江同陳振英今次就撐狄志遠，不過認為撞期一次半次可以體諒。廖長江又澄清，所有委員會會議都唔可以同大會撞期，而前廳交流會係半官方活動，「唔係social gathering」，同大會撞時間唔理想。內會主席李慧琼話聽到意見，稍後再透過協調人同大家傾吓，希望大家體諒同支持前廳交流會。
更多港聞
【Emily】聽日「聖誕頌歌節」 疫下首度全面實地表演
【明報專訊】兒童發展配對基金一年一度嘅「聖誕頌歌節」將喺明日揭開序幕。今年係新冠疫情以來首次全面現場實地表演，共有近4000人參與，包括幼稚... 詳情相關新聞
