【Emily】集結案月底判 羅健熙做足「準備」
[2022.11.17] 發表
【明報專訊】民主黨主席羅健熙喺2019年11月警方圍堵理大期間，喺尖沙嘴被捕，被控非法集結等罪，案件將於11月30日裁決。阿熙喺facebook留下感言，話「心理準備當然都做到足晒，而且自問EQ一直都算十分唔錯，但如果被定罪會係咩反應都真係到時先知」。
阿熙話呢排同人傾偈，朋友都話佢唔好講得太悲觀，唔好講到好似自己一定會坐監咁。佢話當然無人想坐監，而選擇唔認罪，就真係覺得自己冇犯法，但都需要做好心理建設。
見到紅磡指示牌百感交集
阿熙話早幾日路過紅磡站，睇到車站出口指示牌時有啲百感交集，因為牌上嘅街名喺審訊過程中出現無數次，一見到呢堆名自不然諗起法庭情景。
佢話距離宣判日仲有兩星期，呢個月都喺度為工作做安排，希望減少萬一被判罪之後對工作上嘅影響，但發現做來做去，總係覺得有嘢遺漏，仲特別擔心團隊喺利東辦事處嘅情况，因為人手緊絀，如果少個人影響會好大。
更多港聞
城大農場揭幕 獸醫學生養牛驗奶 24澳洲牛已受孕 牛奶最快2月校內有
【明報專訊】香港城市大學位於大埔林村的農場昨日正式啟用。城大今年9月宣布從澳洲入口24隻娟姍牛，當時預料明年1月可為城大供應牛奶及雪糕。城大... 詳情
【明報專訊】新一份《施政報告》提出於中小學階段大力推動STEAM（科學、科技、工程、藝術和數學）教育。教育局長蔡若蓮昨日書面回覆立法會議員鄧...
詳情
相關新聞
