【Emily】陳皓桓坐監後遺症 好多嘢要適應

陳皓桓出獄後話生理心理都要重新適應，期望社會多啲關心坐完監嘅人，呼籲提供工作機會畀佢哋，等佢哋更易投入社會。（陳皓桓fb圖片）

【明報專訊】前民陣召集人陳皓桓(Figo)上星期出獄，噚日佢喺facebook以千字文分享重新適應各種坐監後遺症嘅大小事。佢提到，單喺坐監嘅大嶼山石壁坐的士出市區，已即刻體驗到後遺症之一：暈車浪。對於好多人叫佢移民，佢就話「真係做唔到」，一方面屋企人喺香港，另一方面係覺得香港今日嘅改變，自己都有好大責任，所以同大家一齊經歷，「做得幾多得幾多」已好重要。

Figo又話，在囚期間飲食清淡，出冊後食乜都肚屙，所以推咗好多親朋好友嘅飯敘，仲有作息時間、空氣等都要慢慢適應。佢要適應嘅仲有「人」和「事」，包括坐監期間爸爸過身，又有好多朋友離開香港等。Figo話，講咁多適應問題唔係要人同情，而係想大家關心坐完監嘅人，包括畀工作佢哋投入社會。

胡志偉「登六」 收230張生日卡

另外，因「35+初選案」還押緊嘅民主黨前主席胡志偉，噚日喺獄中度過60歲生日，佢團隊收集到嘅230張生日卡已交畀佢，志偉就託團隊同大家講，佢嘅第二個甲子以失去自由為起點，但都似孩子降臨世間一樣，由此展開滿載人生五味嘅生活，寄語大家：「珍惜當下，欣賞美麗，明辨是非，共勉之！」

更多港聞

【Emily】江玉歡質疑兒童參觀配水庫都要疫苗通

【明報專訊】近排屢次批評本港防疫政策嘅立法會議員江玉歡噚日又開腔，質疑兒童「疫苗通行證」安排。佢話水務署近日舉辦深水埗主教山前配水庫導賞團，... 詳情

【Emily】鄭泳舜容海恩姚柏良參加維港泳 約埋練水

【明報專訊】新世界維港泳周日（23日）舉行，今屆立法會有3個議員會「落水」比賽，包括民建聯鄭泳舜、新民黨容海恩、旅遊界姚柏良，佢哋約定完成賽... 詳情

【Emily】工會盼政府代公僕澄清社會「不實指控」

【明報專訊】特首李家超今日發表佢嘅首份《施政報告》，香港公務員總工會噚日開記者會表達期望，話政府要即時為公務員澄清社會上嘅不實指控，又建議政... 詳情

【Emily】薛永恒浸大教書 黃錦星去港大

【明報專訊】再有前任問責官員申報離任後嘅工作去向。前創新及科技局長薛永恒今個月起喺浸大擔任3個職位，包括校長高級顧問，創新、轉化及和政策研究... 詳情

【Emily】政策總監離開 民主思路或棄港澳研究會項目

【明報專訊】智庫民主思路早前出現人事變動，旗下社區實驗室政策總監姚潔凝（Maxine）日前宣布離開。民主思路早前接咗港澳研究會嘅「港澳研究項... 詳情