【Emily】科學園無人駕駛巴 明年初免費搭 下月起畀園內公司使用 試行一年
[2022.10.18] 發表
【明報專訊】香港科學園將推出自動駕駛車輛試驗計劃，喺園區內提供無人駕駛嘅電動穿梭巴士服務。無人駕駛巴士有8個座位，採用最新嘅車聯網系統(V2X)同5G網絡運作，最快時速30公里，暫定提供一架沿科學園區東、西大道嘅路線試行，11月起開放畀園區內公司預訂使用，明年初就會開放埋畀公眾免費試搭，仲會加到兩架。該計劃會試行一年，已獲運輸署批准。
無人駕駛巴士由園區企業城系有限公司研發，size同客貨車差唔多，車內有顯示屏同緊急煞車按鈕，叉足電要3個鐘，可行160公里。車上設有11個不同種類感應器，偵測70米內嘅行人、物件同車。試行期間收集到嘅數據會集合到科技園公司嘅科技驗證平台STP Platform分析，協助無人車日後喺香港嘅發展同應用。
Emily噚日實測搭無人駕駛巴士由科學園12E大樓去19W大樓，途經兩個迴旋處，約1公里車程行咗9分半鐘左右，途中不時有車「爬頭」。據Google Maps顯示，該路線一般步程約8分鐘、車程約3分鐘。研發人員話，車偵測到有障礙物會慢慢停低，若有人或動物衝出馬路，就會啟動緊急煞車系統。
研發商：模擬打風測試證實安全
香港科技園公司STP Platform總監霍露明話，無人駕駛巴士暫會喺非繁忙時間行駛，運輸署正就無人車立法，今次試驗計劃可提供大量數據。城系有限公司行政總監黃慧敏話，車嘅訂製造價介乎200萬至500萬元，視乎性能同產量，又提到曾模擬真實嘅打風場景測試，證實安全。佢同Emily講：「車速快慢唔係重點，而係香港終於有無人車喺道路上行駛。」
更多港聞
【Emily】中大新校徽突出鳳凰 網民製「雞仔惡搞圖」
【明報專訊】中文大學噚日公布新校徽，係中大1963年創校以來第四次更新。校方話，校徽唔再分割紫色同金色兩隻校色，令校徽上嘅「鳳」形態更見清晰... 詳情
【Emily】實習生提廉署宣傳「盲點」 胡英明大讚
【明報專訊】擔任廉政專員3個幾月嘅胡英明，喺新一篇隨筆講到廉署嘅青少年倡廉教育策略。佢形容廉署嘅青少年教育好似智能手機操作，要適時「同步」及... 詳情
【明報專訊】入境檢疫放寬至「0+3」，公務員事務局前局長聶德權（Patrick）噚日朝早就為去旅行做準備，到運輸署申請國際駕駛許可證，排隊攞...
詳情
【Emily】接棒選勞顧會 林偉江：勞資非你死我活
【明報專訊】勞工顧問委員會勞方委員選舉下月12日舉行，工聯會鄧家彪唔競逐連任，身兼工聯會副理事長嘅汽車交通運輸業總工會秘書長林偉江接棒參選，... 詳情
相關新聞
