【Emily】粉嶺高球場國慶辦「狗狗同樂日」 免費泊車先到先得
[2022.09.27] 發表
【明報專訊】高球場用地起樓引嚟唔少爭議，香港哥爾夫球會近期搞唔少開放活動畀大眾認識球場，嚟緊會喺十一國慶日舉行「狗狗同樂日」，向公眾開放粉嶺舊球場，歡迎市民帶埋狗狗入場。球會話球場1號至4號球洞將喺當日下晝1點至6點開放，市民可以喺草地散步欣賞風景，仲可以畀狗狗「無拘無束放電」。
香港哥爾夫球會話，原定開放至夜晚10點、位於球場1至3號洞嘅「日落步行徑」當日會照常開放，球會亦已經喺球場內嘅珍貴樹木掛上二維碼，畀市民下載樹木簡介，更深入認識場內嘅獨特古樹。球會停車場喺活動當日會開放畀接載狗狗嘅私家車免費泊車，先到先得，市民亦可以自行乘搭公共交通工具去球場。另外，舊球場喺國慶當日朝早亦會開放畀公眾預約打波，不過反應非常踴躍，名額早前已爆滿，球會話當日所得「果嶺費」會全數捐畀慈善機構。
更多港聞
【Emily】梁高美懿被認錯梁唐青儀 CY：太太沒參加港姐活動
【明報專訊】前晚香港小姐競選，特首李家超夫人林麗嬋、行會成員梁高美懿等擔任評委，有網媒將梁高美懿誤以為係前特首夫人梁唐青儀，搞到前特首、全國... 詳情
【明報專訊】疫情之下唔少人郁少咗，港大兒童及青少年科學系喺2019年至今年做研究，發現大部分中小學生喺停面授課期間都「晚睡晚起」，搞到睡眠質...
詳情
【明報專訊】新任美國駐港澳總領事梅儒瑞（Gregory May）到港履新後飲茶入廟周圍走，與此同時，Emily留意到美領館請緊人，入職要求透...
詳情
相關新聞
