【Emily】「手工有人情味」 黃國整月餅贈基層
[2022.08.26] 發表
【明報專訊】下個月10號就係中秋節，工聯會立法會議員黃國前日同15個議辦義工，一齊親手製作手工月餅，將會喺周末送畀土瓜灣嘅長者同劏房戶。黃國話手工月餅製作工序繁複，成本較高，相反機械出品嘅月餅款式五花八門，不過就取代唔到手工月餅嘅人情味。
黃國同義工團成員喺月餅師傅嘅指導下，先將鹹蛋黃退白烘乾，好有技巧咁放入預早煮好嘅蓮蓉，然後將餅皮平均包住蓮蓉，套入木製餅模成形，最後放入焗爐，手工月餅就可以出爐啦。黃國就話製作步驟聽落簡單，實際上相當繁複。佢又喺facebook上載相片，Emily見到佢同義工戴上手套同髮帽，專心聽師傅講解。黃國又預祝市民中秋節快樂，人月兩團圓。
更多港聞
【明報專訊】幾個立法會議員同政界人士早前「轉跑道」加入政府，由於部分人辭任或唔可以兼任選委，選舉事務處最新公布選委人數少咗7個，去到1443...
詳情
【明報專訊】政府噚日宣布委任選委會界別議員梁毓偉擔任青年發展委員會副主席，接替獲委任為民青局副局長嘅梁宏正，任期至明年3月。梁毓偉話十分榮幸...
詳情
相關新聞
