【Emily】政協青聯與懲教合作 助反修例釋囚就業

[2022.08.10] 發表

【明報專訊】香港政協青年聯會將會推出「同心圓計劃」，同懲教署合作，協助因2019年反修例運動入獄嘅年輕人更生，希望透過聯會嘅網絡，為佢哋提供就業機會。負責計劃嘅聯會常務副主席李曠怡話計劃細節仍要同署方討論，強調不論入獄嘅人刑罰輕重，都希望為願意更生嘅年輕人提供上游機會同進步空間。

政協青年聯會最近換屆，噚日同傳媒舉行交流會，分享未來重點計劃。其中「同心圓計劃」主要對象係25歲以下因反修例運動入獄嘅年輕人。李曠怡同Emily講，會由懲教署做配對，現階段會先整理聯會可提供嘅工種，盼以創科等新興行業為主。至於目標想幫幾多人，佢話暫時未定，希望「盡幫」。

擬向中小師生辦「國安教育宣講會」

另外，聯會將會同西九故宮博物館合作，帶中小學生去參觀，又會舉行徵文同繪畫比賽，希望增加學生嘅民族自豪感。聯會亦計劃舉行3場「國安教育宣講會」，向中小學校長、國安教育負責老師同精英學生灌輸正確嘅國安教育知識。

更多港聞