【Emily】《回歸．情義25載》送千校圖書館
[2022.07.21] 發表
【明報專訊】團結香港基金轄下香港地方志中心出版《回歸．情義25載》一書，輯錄過去25年來超過100件香港及內地大事，仲有近200張歷史相片，團結香港基金將會向全港約1000間中小學圖書館送書，噚日趁書展開鑼，舉辦贈書儀式，出席儀式嘅教育局長蔡若蓮提到，書中資料同相片係難得嘅教學資源，正好豐富同充實國民教育嘅內容，同學可以以史為師，開拓視野，了解歷史同自己嘅關係。
團結香港基金高級副總裁、立法會議員黃元山希望同學透過書冊了解當中嘅情義，未來更好地服務社會、報效祖國。
香港地方志中心仲計劃同部分學校合作，新學年開始後，安排有份參與編纂嘅編輯去學校，結合新書內容舉辦講座，幫高中生學好「公民與社會發展科」。
更多港聞
【Emily】談男生留長髮 梁啟智：時代已改變
【明報專訊】東華三院黃笏南中學中五生林澤駿向平機會投訴，質疑學校禁男生留長髮涉違反《性別歧視條例》，引起社會熱烈討論。時事評論員梁啟智（下圖... 詳情
【明報專訊】立法會前議員邵家臻喺社交網站發帖，話噚日以個人身分去咗赤柱監獄探望佢口中嘅「赤柱雙廷」（戴耀廷和林卓廷），形容見識到咩叫「心流」...
詳情
相關新聞
