【Emily】金像獎首設口述影像 視障者感受盛事
[2022.07.20] 發表
【明報專訊】禮拜日晚落幕嘅「第40屆香港電影金像獎頒獎典禮」除咗台上星光璀璨外，原來台下都有靚聲「聲音導航」！金像獎今年首設現場口述影像服務，由香港盲人輔導會提供技術支援，設立臨時直播室，更邀請DJ彭晴同兩名口述影像員關恩慈及梁嘉賢，一邊全神貫注睇住直播畫面，一邊口述影像，畀視障人士可以同步感受每個精彩時刻。
現場口述影像絕對唔易，事前3名口述影像員要準備好多工夫，仲要考臨場反應。彭晴喺facebook分享當晚感受嘅時候就話「難做」，因為除咗睇過開幕播片、補頒上屆獎項綵排之外，其他乜都冇睇過，講笑話「好在有人幫手認嘉賓」。佢又話嘉賓衣著好難形容，例如周秀娜件衫「望住就真係詞窮都形容唔到嗰種性感」。
更多港聞
【明報專訊】前任特首梁振英（CY）近日不時喺社交網站分享英國報道，點出當地民生、管治、教育、醫療問題，噚日佢喺facebook話「以其人之道...
詳情
相關新聞
