【Emily】馬會見習騎師校招學員 滿15歲可考
[2022.06.14] 發表
【明報專訊】就到畢業季節，香港賽馬會賽馬人才培訓中心旗下見習騎師學校最近招募「賽事見習學員」，投考者必須年滿15歲，並已完成中三或以上課程，身高無限制，不過體重就有限制，見習騎師體重105磅，策騎員約125磅。申請人唔需要具備策騎經驗，學校7、8月會分批舉行策騎及體能測試，揀選表現最好嘅25人，安排佢哋入住體驗營。
除咗成為騎師，賽事見習學員亦有機會喺其他同賽馬相關嘅職業上發展，例如策騎員、獸醫事務技術員、馬術事務助理、釘甲匠，以及賽事見習行政助理等。獲取錄學員必須攻讀賽馬證書課程，內容涵蓋騎術理論與訓練、馬匹料理、馬房管理、英文、運動科學、音樂、資訊科技，以及個人財務管理等，學員完成課程後將獲取等同香港學術及職業資歷評審局評核嘅第一級至第三級認可資歷。截止報名日期為7月30號，詳情可瀏覽賽馬人才培訓中心網站。
更多港聞
相關新聞
