【Emily】長沙灣過渡房紅黃雨下動土
[2022.06.09] 發表
【明報專訊】政府近年積極推出過渡房屋，由基督教家庭服務中心興建及營運嘅「長沙灣長順街過渡性房屋項目」，就喺噚日下晝於紅色暴雨警告下舉行動土禮，幸好其間「紅雨」變「黃雨」。多名出席嘉賓，包括副運房局長蘇偉文、運房局過渡性房屋專責小組項目總監黃永雄、基督教家庭服務中心董事會主席關銳煊等，都要冒雨致辭同進行動土儀式。
天文台噚日上晝10時45分已發出紅雨警告，但大會話因為行程緊凑，所以活動如常舉行。儀式期間雨聲滴滴答答，差啲蓋過嘉賓聲量，好彩中途雨勢變細，天文台亦改發黃雨警告。其後運房局喺facebook話，項目風雨不改如期動工，並祝願工程順利，如期落成。
項目將興建一棟四層高樓房，提供1至4人單位，同時參考公屋標準，設定人均居住面積為75平方呎。項目預計明年初接受申請，同年4月入伙，提供132個單位，容納超過300名住戶。
更多港聞
相關新聞
