【Emily】兩度無緣畢業禮 羅冠聰獲頒榮譽博士補憾
[2022.05.23] 發表
【明報專訊】前香港眾志主席、立法會前議員羅冠聰(Nathan)流亡海外兩年，佢喺美國耶魯大學讀完碩士，近日獲美國東岸賓夕法尼亞州私立博雅大學Washington & Jefferson College頒授榮譽博士學位，以表揚佢喺爭取人權、民主同自由上嘅貢獻。當屆畢業生仲每人獲派咗一本羅嘅著作Freedom: How We Lose It and How We Fight Back，Nathan話簽書都簽到手軟。
Nathan喺facebook話，今次係莫大榮幸，又回憶自己喺嶺南大學本科同耶魯碩士畢業都無辦法出席畢業禮，今次見到畢業生攞證書、親友捧場吶喊，都算彌補自己過去嘅遺憾。諗起嶺南，佢話慨嘆今日母校已「禮崩樂壞」。
雖然有個新銜頭，不過Nathan話始終學位都係榮譽性質，希望大家唔好叫佢「博士」，不過唔少人喺佢fb照樣恭喜「羅博士」。
更多港聞
【Emily】葉劉推介腸粉又被笑 黎棟國「護花」
【明報專訊】上周後期天氣幾好，新民黨主席葉劉淑儀上周六喺facebook出帖，話趁住天朗氣清去西貢遊覽，仲發現到一間小店「不得了」嘅豉油王煎... 詳情
【Emily】伙EQ探劏房戶 鄧炳強講完對冲講公屋
【明報專訊】民建聯葛珮帆（EQ）、香港廣州社團總會同沙田婦女會等噚日合辦「食物援助送暖行動」，邀請保安局長鄧炳強一齊包裝1500份食物福袋，... 詳情
相關新聞
