【Emily】港大醫學院拍賣135周年紀念椅 每對底價8萬
[2022.05.14] 發表
【明報專訊】今年係香港大學醫學院成立135周年，由前日起至下星期五，醫學院會喺官方網站拍賣限量版紀念椅，收益全數撥歸醫學院嘅學生獎學金同經濟援助用途，貢獻培育杏林新生代。
限量135對 收益撥獎學金
每對紀念椅底價8萬元，每次出價5000元，並且限量135對，每一對代表港大醫學院嘅一個年份，鐫刻喺椅背嘅銅片上，買家仲可以喺銅片上刻埋自己個名。
醫學院又話，紀念椅好似香港同埋醫學院東西薈萃嘅起源，設計匯合兩方文化，又形容紀念椅結合咗醫學院悠久歷史同埋香港元素，核桃木材融合高等學府常見嘅梳形椅背，配上由明朝家具啟發嘅手柄；藤織座椅則係向醫學院成立時，支撐本港經濟嘅藤織工業致敬。
更多港聞
相關新聞
