【Emily】五四青年節 陳家洛憶89年北京大遊行
[2022.05.05] 發表
【明報專訊】噚日5月4日係五四青年節，除咗特首選舉唯一候選人李家超見青年團體成員，唔少政界都就此發表評論，大談青年愛國情操，包括特首林鄭月娥、教育局長楊潤雄等。立法會前議員陳家洛喺facebook談五四就毋忘歷史，話1989年「五四運動」70周年，喺北京嘅五四遊行規模好大，北京之外十幾個大城市都有學生遊行，而當年香港嘅學生團體，都有刊登報紙廣告聲援北京學生，提到「為振興中華大業而並肩奮鬥」。
林鄭楊潤雄同引習語
林鄭月娥就喺社交媒體上載多張同青年交流嘅相片，話青年成長其中一個重點係從小養成良好價值觀，又引述國家主席習近平曾就此有個比喻，話「人生的扣子從一開始就要扣好」。林太又話喺2017年推出「青年委員自薦計劃」，招募數百名18至35歲有志服務社會嘅青年加入各政府諮詢委員會，並定下青年委員應佔所有非官方委員15%嘅目標，去年底已達標。
教育局長楊潤雄都引習近平嘅言論，話青年興則國家興，青年強則國家強。佢期望青年好好學習「五四運動」嘅愛國精神，稱中國歷史已經係初中獨立必修科，幫助學生建立堅實嘅基礎。
更多港聞
嶺大收回「虎地書室」場地 學生自資經營 管委會歸學生會架構
【明報專訊】2017年開業、位於嶺南大學校園的「虎地書室」須搬離現址。嶺大繼公布5月7日（周六）收回學生會及其屬會位處的康樂樓、民主牆及報告... 詳情
八大非本地生升至17.9％ 港大科大逾20％上限
【明報專訊】現時8間資助大學及部分自資院校均有取錄非本地生。教育局昨日以書面回覆議員提問時，提供有關收生數據，8間資助大學中，7間的非本地學... 詳情
相關新聞
